Fuossi
nuddu ba mai cuntatu a vera storia ro picchì u manubbiu ra bicichiletta ri
cursa è curvu, comu se fussi ‘n cuornu ri nu stranu areti.
Beni, vinni u mumentu ri pòniri rimeddiu.
A
ta sapiri ca tanti anni fa tutti i bicichilètti, ancrùsu chiddi ri cursa,
avievunu u stissu manubbiu: rittu comu manicu ri ‘na scupa.
Anfina ca ‘n juòrnu ‘n nichilista ri nomi Gghilommu, pròpiu mentri era
supra o sillinu, ra sa bicichilètta ri cursa, tirau fora ri na sacchetta ‘na
sbarra ri ciucculatti ro commercio equo solidale, a scartau e principiau a
mangiarasilla. GNAM!
GNAM! GNAM!
S’abbicinava
u Natali, ma ‘n cielu sbranniava nu suli ranni e fu accussì ca tra u suli e
tra I manu surati ri Gghilommu a sbarra ri ciucculatti accuminzau a sciògghirisi
lassannu càrri na stizza ro sa prutòttu propiu supra a manopula ro manubbiu ca
era ri sutta.
Cosa
ri pazzi! A manopola si scantau! Fijuratibi: abituata o pruvulàzzu e o suturi
ri Gghilommu ‘nto tastari u ciucculatti fu tuculiata ri nu trimulizzu ri
cuntintizza e nunn’addubbannisi ri chidda stizza nica, ca l’avia appena
frusciatu, principiau a vulirini sempri ciù magnu. Gghilommu pitaliava senza
manu pi nu beddu piezzu ri strata ritta custijata ri macci ri ‘mpigniola sicùlari.
Ci piacia pitaliari accussì: u bustu susutu, a taliatura all’aria. E tantu
tagliava ammaravigghiatu u paisagghiu e tantu rispirava dda aria bona ca l’utimu
piezzu ra sbarra ri ciucculatti accuminzau a carri stizziannu supra a petra pici.
Nun
vi ricu ri chi tinta addivintau a manopola no virri ddu spracu “A mia! A
mia!” principiau a ettari vùci e tantu fu a vogghia ripigghiarisi ddi stizzi
ri buonu ciucculatti ca accuminzau a ammuvirisi, a ammuttari e a rivutarisi. E
cu ridda tuttu u manubbiu, macari iddu cuntentu ri putirisi annaculiari cu
tanticcia ri ristoru dduòppu i tanti chilomitri fatti. Gghilommu si
ammaravigghiau assai ri tuttu ddu stranu muvimientu, ma ancora ciù assai si
ammaravigghiau quannu, turnatu a casa, u manubbiu lassannu friscari i freni, ci
rissi cu picca palori ca vulia siri cimmigghiatu cu nu bellu nnastru, acciocché
u sapuri ri ciucculatti ca l’avia anzapurutu nun si ni putissi iri ciui.
Ri
tannu ddu manubbiu nun ha statu ciui canciatu e gghè propiu accussì ca nasciu:
pi bia ri na manopola mangiona, ri nu nichilista sugnatùri e ri na sbarra ri
ciucculatti sutta o suli.
Buon divertimento e buon Natale 2006!
