A
m'sa c' nisciun i v'a mai arcontà la Storia vera d'l p'rché 'l manubrio d'la
bicicletta da corsa dje' storto com i corni d'n capron. Ben, d'è ora d' mett'r
a poSto Sta facenda.
Adora,
toc saper che tanti anni fa la bicicletta, anc queda da corsa, d'ev'n tutta d'
Stess manubrio, dritto com 'n fuso. Finché 'n bel dì 'n cicliSta chi s' kiamèv
Girolamo, propri mentr' ch' djer a cavalìn d'la su bicicletta da corsa, djà
tirà fora da 'na sacoccia 'n tocco d' cicolata d'l comercio equo e solidalo, i'
dà Scartà e djà com'nzà a magnardo. GNAM GNAM GNAM! Natalo djer quaji v'jin
ma 'n ciel aghèr 'n bel solo, e cojì tra 'l solo e la man sudà d' Girolamo 'l
toco d' cicolata djà com'nzà a Sfars, e 'n goccio d' c'l bon prodotto djè 'ndà
a caScar propri su'n t'da manopola d'l manubrio c'djer lì sotto!
C'l
Cristo! A la manopola a gh'à pidjà 'n colpo! P'nsé 'n po': abituà al polv'ron
e a la man sudà d' Girolamo, com d'a assagià 'l cicolato d'a com'nzà a St'rmolìr
da la cont'nteza, e a n' ghn'ev assè d c'l goccìn ma a n' volèv sempr d'pù.
Girolamo
i pedalèv senza man 'n t'n bel pezo d' via dritta con d'i pin veki d' cent'anni
d'antrambi i lati. A'gh piajev pedalar cojì, con la skiena drita e i'oki p'r
aria. E tant 'i stev a miràrs 'ntorno, e tant i reSpireva c'd'aria bona, che d'ult'mo
tocheto d' cicolata djà com'nzà a jgociolàr su 'nt'd'aSfalto.
A'n Stò a dirv d' che color d'è d'v'ntà la manopola a v'der tut c'l scempio.
«A me! A me!» d'a comenzà a urlar, e d'ev tanta d' c'la vodja d' pidjar chi
gocci d' cicolata bona c' dà com'nzà a mov'rsa, a Spintonar e a 'rgirarsa, e
con lé tutt'l manubrio, c' djer contento anca lù d' poters arpidjaàr 'n po'
dop tut chi chilometri c' djev fato.
A
s'ntir tuti chi movimenti strani Girolamo djè armaso, e djè armaso anc d' pù
quand'djè arrivà a cà e 'l manubrio i gh'à dito 'n t'do paroda ch'i volèv
ess'r arcoperto co'n bel naStro p'r non far pù 'ndar via c'l bon guSto d'
cicolata ch'i d'ev tut ar'mpì.
Da
c'l dì c'l manubrio i n'è pù Stà cambià, e djè nato propri cojì: p'r via
d'na manopola golosa, d'cicliSta sognatoro e d'n toco d' cicolata sotto 'l solo.
Buon divertimento e buon Natale 2006!
